Azerbaijan International Development Academy özünə yatırım etmək istəyənlərə peşəkar dəstək göstərilməsi məqsədilə yaradılmışdır.

Bu gün yerli bazarda bu missiyanı daşıyan aparıcı fərdi inkişaf akademiyaları çox ciddi məsuliyyəti paylaşmaqdadırlar. Onlardan bəziləri fərdlərin inkişaf missiyanın ilkin, bəziləri isə sonrakı mərhələlərinin icrasını öz üzərilərinə götürməkdədir. Bunu yerli bazarda inkişaf etmiş fərdlərin artması baxımından müsbət hal kimi dəyərləndiririk.

Məqsədimiz ölkəmizdə inkişafın müxtəlif mərhələlərində çətinlik çəkən insanlara, yollarını davam etdirmələri üçün dəstək olmaqdır. Bunun üçün də daim yerli və qlobalda olan tendensiyaları analiz edib, təklif etdiyimiz xidmət növlərini təkmilləşdirməkdə davam edirik.

Biz hesab edirik ki, fərdlərin daha sürətli inkişafı və cəmiyyətə inteqrasiyası üçün yerli bazarda fəaliyyət göstərən akademiyaların qarşılıqlı təcrübə mübadiləsinə ehtiyac var. Sahə və sahələr üzrə törəmə xidmətlərin inkişafı üçün digər bazar iştirakçılarının öz təcrübələrini paylaşması uzun yolu daha qısa getməyə imkan yaradacaq. Biz öz tərəfimizdən bunu hər zaman etməyə hazırıq.

Azerbaijan International Development Academy həm yerli, həm də xarici təcrübəni daim test edərək, daha doğru variantı ortaya qoymaqdadır. Biz bir komanda olaraq, bu prosesə həm insan kapitalı, həm də texnoloji yatırım etməkdəyik. İnanırıq ki, atdığımız addımlar inkişafa, inkişaf isə yeniliklərin kəşfinə gətirib çıxaracaq.