O vaxt bizə deyilən “Sus! Danışma! Sakit dur!” kimi ifadələr bu gün bir çox insanların həyatında ciddi travmalar kimi qalmaqda davam edir. Biz natiqlik təlimini “Danışmaq gümüşdürsə, susmaq qızıldır” ifadəsini həyatınızın doğru yerlərində istifadə etmək üçün yaratmışıq.

Bütün bu travmaların nəticəsidir ki, çöldə mikrafon uzadılanda, tədbirlərdə söz veriləndə effektiv çıxış edə bilmirik. Bu da öz növbəsində həm həyatda, həm də korporativ mühitdə şəxsi imicimizin formalaşmasına maneçilik törədir.

Karyerasında uğur əldə etmiş nüfuzlu şəxslərin əksəriyyəti böyük natiqlərdir. Onların uğurunun xüsusi bir düsturu mövcud deyil. Sadəcə fikri düzgün və aydın ifadə etmək, çıxışlar zamanı auditoriyanı ələ almaq, çıxışı daha düzgün və maraqlı quraraq, ətrafındakı insanları inandırmağı yaxşı bacarırlar.

Natiqlik sənətində - Nə dediyin deyil, necə dediyin önəmlidir. İndi qeyd edəcəyimiz ifadələri diqqətlə oxuyub, düşünün. Əgər qeyd oluanlardan biri və ya bir neçəsi Sizdə olan boşluqlarla üst-üstə düşürsə, deməli Sizə natiqlik təliminə yazılmaq lazımdır. Danışanda söz tapmağa çətinlik çəkmək, "Danışıq qabiliyyətim yoxdur" ifadəsi, çox danışıb amma sözünüzü deyə bilməmək, məclislərdə söz almamaq üçün bəhanə axtarmaq, çıxış etmək məqamı gələn kimi həyəcanlanmaq, mübahisələrdə uduzmaq, ictimai çıxışlar zamanı özünü itirmək.