Bu səviyyə sıfırdan başlayaraq təhsil alan tələbələr üçün nəzərdə tutulur. İlkin səviyyədə dilin öyrənilməsində sonrakı mərhələ üçün əsas qoyulur və təhsil prosesinin özünə maraq yaradılır.  Beginner səviyyəsi ilə Siz aşağıdakıları öyrənəcəksiniz:

- Gündəlik sadə ifadələrdən istifadə etməyi;

- Özünü təqdim etməyi və sadə suallar verməyi;

- Gündəlik məsələlərə (öz və ailə haqqında əsas məlumatlar, alış-veriş, iş həyatı və s.) aid cümlələri və ifadələri başa düşməyi.

"Elementary” mərhələsi inglis dilinin qrammatikası və danışıq təcrübəsi haqqında əsaslı məlumatı olan, lakin kifayət qədər söz ehtiyyatı olmayanlar üçün nəzərdə tutulur. Proqram 4 növ istiqamətin inkişafını özündə birləşdirir. Elementary səviyyəsi ilə Siz aşağıdakıları öyrənəcəksiniz:

- Müəllimlə tələbənin söhbəti (nitq qavrama qabiliyyəti);

- Danışıq və yazıdakı dəqiqliyi və səlisliyi artırmaq;

- Oxuma və yazı qabiliyyətinin inkişaf etdirilməsi.

Pre-İnremediate səviyyəsini bitirən şəxs yazılı və ya şifahi məlumatın məzmununu tamamilə anlayır. Ünsiyyət zamanı şəxsi fikrini bildirməyi bacarır. Müəyyən çətinlikdə olan şəxsi və rəsmi yazışmalar apara, ingilis dilində ədəbiyyat oxuya və xarici səfərlərdə tərcüməçisiz keçinə bilir.

"Pre-İntermediate" səviyyəsi ingilis dili haqqında müəyyən dil təcrübələri olanlar üçün nəzərdə tutulur. Qrammatika üzrə biliklərin artırılması, söz ehtiyyatının çoxaldılması və danışıq maneələrinin aradan götürülməsi (danışıq təcrübəsi) məhz bu mərhələyə daxildir. Bu səviyyə üzrə ingilis dilini öyrənənlərə intensiv danışıq mövzuları, ev tapşırıqları çərçivəsində sinifdə və evdə işlənilməsi üçün yazılı çalışmalar verilir. İntermediate səviyyəsini bitirdikdən sonra aşağıdakı bacarıqlara yiyələnə bilərsiniz:

- Telefon zənglərinə cavab vermək;

- Yazışmalar aparmaq;

- İngilisdilli tanışlarla söhbət etmək;

- Müsahibələrdə iştirak etmək;

- İşgüzar danışıqlarda iştirak etmək;

- Bu səviyyəyə uyğun ədəbiyyat oxumaq.

''İntermediate'' səviyyəsində tədris ingilis dilinə praktik və azad şəkildə yiyələnmə, xarici dilli vətəndaşların danışıqlarının tamamilə başa düşülməsinə yönləndirilir. Bu səviyyəni bitirənlər müxtəlif mövzularda (məişət mövzularından profesional səviyyəyə qədər) dildən sərbəst şəkildə istifadə edə, xarici vətəndaşlarla rahat ünsiyyət qura, xüsusi və bədii ədəbiyyat oxuya bilirlər.

"Advance" mərhələsi biliklərini mükəmməlləşdirmək və onları akademik səviyyəyə çatdırmaq üçün nəzərdə tutulur. Bu səviyyə daha çox nitq tərzləri və dil formalarına yönləndirilmişdir. Advance mərhələsinə çatmış şəxs xarici vətəndaşla eyni səviyyədə danışa və mövzularda sinxron tərcümələr belə edə bilir.

- İngilis dilinə sərbəst şəkildə danışmaq;

- İngilis dilində ədəbiyyatı sərbəst oxumaq;

- Şifahi və yazılı formada fikirlərini sərbəst və qrammatik cəhətdən düzgün ifadə etmək.

General English dərsləri həftədə 3 dəfə 1 saat olmaqla keçirilir. İngilis dili səviyyəsinin müəyyən olunması, eləcədə müəllim və onun metodikası ilə yaxından tanış olmaq üçün ilk sınaq dərsi ödənişsiz həyata keçirilir. Bazar günlərində keçirilən 2 saatlıq Conversation Club isə kursumuzun tələbələri üçün ödənişsizdir.